Եթե գազի գինը թանկանա Հայաստանում, ապա ՀՀ-ում էլեկտրական էներգիայի արտադրության մոտ 30-35 տոկոսը, կախված տարվա կառուցվածքից, արտադրվում է ջերմային էլեկտրակայաններում և, եթե գազի գինը կթանկանա X դրամով կամ Y անգամ, չգիտեմ, եթե կթանկանա, դրանք անհայտներ են, քաղաքական խոսույթներ են, իրականության մեջ ես՝ որպես ՀԾԿՀ նախագահ, չունեմ իմ սեղանան պաշտոնական թիվ դրված, չկա նման քննարկում, հետևաբար, նշված տոկոսի չափով ազդեցությունը կլինի բացասական, բայց աշխարհացունց բան դրանից տեղի չի ունենա։ Այս մասին լրագրողների հետ զրույցում ասաց ՀԾԿՀ նախագահ Մեսրոպ Մեսրոպյանը։
«Արևային տեխնոլոգիաները և վերականգնվող էներգետիկան այս տարիներին մեր երկրում բավականին զարգացել են։ Միայն արևային կայանների գոյությունը մեր իրականությունում մեզ կապահովի 92, 93, 94 թվականների ծանր էներգետիկական կրիզիսի պատկերն ունենալուց։ Այո, եթե լինի գազի թանկացում, ապա անցումային փուլում որոշակի դժվարություններ ենթադրվում է, որ կլինեն։ Հովհարային անջատումների պատկերը չենք ունենա՝ ծանր և խորը, բայց անհետևանք չի կարող լինել, որոշակի դժվարություններ կլինեն անցումային, բայց օրերով ու ժամերով հոսանքազրկումներ չեն լինի»,- հայտարարեց Մեսրոպ Մեսրոպյանը։
