Այո, լոգիստիկան բարդ է, հեռու է։ Իրականում մենք շատ մեծ աշխատանք ենք նախորդիվ արել, եթե մենք չունենայինք հարյուրավոր հեկտարներով պտուղ-բանջարեղենի ջերմոցներ, այսօր ոչ մի բան էլ չէինք կարողանա արտահանել ԵՄ, եթե մենք չունենայինք հազարավոր հեկտարներով ինտենսիվ այգիներ, մենք այսօր ոչ մի բան էլ չէինք կարողանա արտահանեինք ԵՄ։ Այլ հարց է, որ կա մի հատված, որը չի կարող համապատասխանել և այս առումով պետք է փորձենք նաև աջակցենք իրենց, որպեսզի համապատասխանեն: : Այս մասին ԱԺ մշտական հանձնաժողովների համատեղ նիստի ժամանակ ասել է Էկոնոմիկայի նախարար Գևորգ Պապոյանը՝ ԵՄ երկրներ հայկական գյուղմթերք արտահանելու մասին:
«Խնդիրը ընդամենը մեկն է՝ այո, լոգիստիկան բարդ է, լոգիստիկան երկար է, հեռու է, փակ սահմաններ, ծովի ելքի բացակայություն, տրանզիտ ժամանակի երկարություն, սրանք բնականաբար գնի վրա ազդում են և ազդում են գնային առումով մրցունակության վրա: Որակական առումով մրցունակության խնդիր հայկական ապրանքը չունի և վաղուց անցել են այն ժամանակները, որ ասում էին, թե մեր ապրանքները ով կառնի, մերը որակով չէ»,- նշել է Պապոյանը:
