«Ժողովուրդ ջան, Ագնեսա Խամոյանը մի բան ասեց, հիշեցրեց ձեզ, թե ինչպես ՔՊ-ի կարկառուն դեմքերից մեկը տարիներ առաջ Աղդամում ասել է, որ Աղդամն իր հայրենիքն է։ Հետո ասեց, որ սխալվել է։ Ժողովուրդ ջան, չի սխալվել, ինքը ճիշտ է ասել։
Աղդամը այդ մարդու հայրենիքն է, և պետք է համախմբված ուղարկենք իրեն իր հայրենիքը։
Մեկ-մեկ մտածում եմ՝ այս հանրահավաքներից հետո ոնց ենք անելու, ոնց որ արդեն սովորել ենք մարդկանց հետ շփվելու, ելույթներ ունենալու։ Ինչ-որ մի քիչ ժամանակ է պետք լինելու հետ վարժվելու համար, կոնկրետ գործով զբաղվելու համար՝ հայրենիք կառուցելով, հայրենիք պաշտպանելով։
Ժողովուրդ ջան, այս իշխանությունն արեց ամեն ինչ, որ այս քարոզարշավը դառնա թույնով լցված քաղաքական պրոցես, որ այս քարոզարշավը լցված լինի ստով, կեղծիքով, ատելության խոսքով, որով ևս մեկ անգամ, այն, ինչ անում էին 2018 թվականից, ևս մեկ անգամ փորձեցին բաժանել մեր ժողովրդին, թշնամացնել իրար։
Ընտրություններից հետո պետք է սկսենք հակառակ պրոցեսը՝ վերանորոգել մեր երկիրը ձեզ հետ միասին։ Համաձա՞յն եք։
Բայց գիտեք, իրենք սրանով չեն բավարարվում։ Երկիրը թունավորելով, երկրի վրա թույն շնչելով չեն բավարարվում։ Իրենք արել են շատ ավելի վտանգավոր մի բան։ Իրենք մեզ տեղադրել են Եվրամիություն-Ռուսաստան հակասության կենտրոնում։
Սա այն է, ինչի մասին ես առնվազն մի քանի ամիս առաջ և մի քանի անգամ տարբեր մամուլի ասուլիսների ժամանակ զգուշացնում էի, որ դա լավ տեղ չի փոքր երկրի համար՝ բարդ տարածաշրջանում։
Իրենք մի ճակատագիր են ընտրել Հայաստանի համար, որը շատ նման է Ուկրաինայի ճակատագրին, որը շատ նման է Վրաստանի՝ Սահակաշվիլու ժամանակների ճակատագրին։ Մեզ դա պետք չի, և մենք դա մերժում ենք»,- այս մասին այսօր՝ հունիսի 4-ին, Սևանում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Մանրամասն՝ տեսանյութում։
