Նյու Յորքի քաղաքապետ Զոհրան Մամդանին հրաժարվել է մասնակցել Իսրայելի աջակցման ամենամյա շքերթին՝ դառնալով վերջին ավելի քան 60 տարվա ընթացքում առաջին գործող քաղաքապետը, ով չի մասնակցում այդ միջոցառմանը։ Հայտնում է ParsToday-ը:
Որոշ լրատվամիջոցներ և մեկնաբաններ այս քայլը դիտարկում են որպես Մամդանիի քաղաքական դիրքորոշման արտահայտություն՝ կապված Գազայում Իսրայելի գործողությունների նկատմամբ նրա քննադատության հետ։ Ինքը՝ Մամդանին, հայտարարել է, որ իր բացակայությունը պայմանավորված է իր քաղաքական համոզմունքներով, սակայն ընդգծել է, որ քաղաքապետարանը լիարժեք կապահովի շքերթի անվտանգությունը։
Մի շարք հրեական կազմակերպություններ և քաղաքական գործիչներ քննադատել են որոշումը՝ այն համարելով բաժանարար քայլ, հատկապես հակասեմիտիզմի աճի ֆոնին։
