«Հասկանում եմ, որ պատերազմում պարտվելուց հետո երևի սա այն տարածքն է, որը ամենամեծ պրոբլեմները ունեցավ և այդ խնդիրները շարունակվում են մինչ այսօր: Խնդիրները ձեր և՛ անվտանգային են, և՛ տնտեսական: Ամենավտանգավորը, գիտե՞ք այն է, որ այս տարածքի վրա, այս հողի վրա հարևանը աչք ունի: Երբ ասում է՝ Արևմտյան Ադրբեջան, այս տարածքները ի նկատի ունի: Երբ ասում է՝ Սևանը, իրենց Գյոյչա լիճն է, այս տարածքները իր մտքում են: Ուրեմն այդ առումով մենք պետք է հասկանանք, եթե սխալ կողմնորոշվենք, եթե չհասկանանք, թե ինչ է կատարվում աշխարհում, եթե չհասկանանք, թե աշխարհում այդ կատարվածի մեջ մեր տեղը ինչպես մենք պետք է գտնենք, իսկապես ևս մեկ փորձանք կարող ենք ունենալ:

Երեկ Հայաստանի վարչապետը ասաց մի բան, որ արցախյան շարժումը ճակատագրական սխալ էր և հողերը, Արցախը ընդհանրապես հայության հետ կապ չեն ունեցել: Ավելի մեծ հիմարություն, անկեղծ ասած դժվար է ուղղակի հորինել, բայց, այնուամենայնիվ, մենք հասել ենք այն հանգրվանին, երբ հանգիստ այդպիսի արտահայտություններ են անում, և հետո ևս հնարավորություն ունեն շփվելու ժողովրդի հետ: Իմ ուղղում սա չի տեղավորվում»,- այս մասին այսօր՝ մայիսի 10-ին, Գեղամասարում քաղաքացիների հետ հանդիպման ընթացքում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

Մանրամասն՝ տեսանյութում։