Մոսկվայի հայկական Սուրբ պայծառակերպության եկեղեցում, այսօր՝ ապրիլի 24–ին, հատուկ եկեղեցական կարգ է մատուցվել, որի ժամանակ ընթերցվել է նաև ՌԴ նախագահ Վլադիմիր Պուտինի ուղերձը, Հայոց ցեղասպանության 111–րդ տարելիցի կապակցությամբ։
Հիշեցնենք, որ այդ ուղերձում ՌԴ նախագահը հայտնել է, որ միջազգային հանրությունը պետք է միավորի ջանքերը՝ Հայոց ցեղասպանության նման ողբերգությունների կրկնությունը թույլ չտալու համար։
Ողբերգության տարելիցի հիշատակի միջոցառումների մասնակիցներին ուղղված իր ելույթում պետության ղեկավարը նշել է, որ հայերի զանգվածային սպանությունները, տեղահանությունները եւ հալածանքները 20-րդ դարի ամենասարսափելի աղետներից մեկն են եւ ցույց են տալիս էթնիկ եւ կրոնական ատելություն հրահրելու հետեւանքները։
Պուտինն ընդգծել է, որ էթնիկ պատկանելության հիման վրա զանգվածային ոչնչացման քաղաքականությունն անարդարացի է եւ կոչ է արել կանխել նման իրադարձություններն ապագայում։
Նա նաեւ նշել է, որ ապրված ողբերգական իրադարձությունները ծանր վերք են հայ ժողովրդի համար, բայց միեւնույն ժամանակ նպաստել են նրա միասնությանը եւ ազգային ավանդույթների պահպանմանը։
Եզրափակելով՝ նախագահը հայ ժողովրդին մաղթել է խաղաղություն, բարեկեցություն եւ բարգավաճում։
