«Պրոբլեմները լուրջ են: Իրենք զգացել են, որ մարդիկ մտահոգված են հայ-ռուսական հարաբերությունների սրմամբ: Եթե մեր ժողովրդի մի մասը, որը որոշակի հիասթափություն ունի Ռուսաստանից Արցախի կորստի հետ կապված, ապա դա չի նշանակում, որ այդ զանգվածը ուրախ է, որ Հայաստանը Ռուսաստանի հետ կապերը խզի կամ թշնամանա։ Բոլորը հասկանում են, որ տնտեսապես մենք ուղղակի ունենք շատ մեծ կախվածություն և անհանգստությունը մարդկանց մեջ շատ է։ Իմ շփումները ցույց են տալիս, որ անհանգստությունը մեծ է նաև գործարար աշխարհում, շատ մեծ ասիմետրիկ կախվածության մեջ ենք մենք Ռուսաստանից։ Եթե տնտեսական կապերը խզվեն, Ռուսաստանում չեն էլ նկատելու, ընդամենը 0,7%-ն է մեր արտաքին ապրանքաշրջանառության, առևտրի Ռուսաստանի ընդհանուրի մեջ։ Հայաստանի համար սա ուղղակի կոլապս է լինելու, կռախ է լինելու»,- այս մասին «Մեծ քաղաքականություն» փոդքասթի ժամանակ ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
Մանրամասն՝ տեսանյութում։
