ԱՄՆ փոխնախագահ Ջ.Դ. Վենսը հայտարարել է, որ Վաշինգտոնը դեռևս չի տեսնում Իրանի պատրաստակամությունը հրաժարվելու իր միջուկային զենքի ծրագրից։ ՏԱՍՍ-ի փոխանցմամբ՝ այս մասին նա ասել է Իսլամաբադում Իրանի ներկայացուցիչների հետ բանակցություններից հետո կայացած մամուլի ասուլիսում։
«Մեզ անհրաժեշտ է հստակ երաշխիք, որ նրանք չեն ձգտի միջուկային զենքի կամ չեն փնտրի այնպիսի գործիքներ, որոնք թույլ կտան նրանց արագորեն միջուկային զենք ձեռք բերել», – ասել է Վենսը։
«Հարցը կլինի հետևյալը. տեսնո՞ւմ ենք արդյոք նրանց կողմից միջուկային զենք չմշակելու պարտավորություն, ոչ միայն հիմա կամ երկու տարի հետո, այլև երկարաժամկետ հեռանկարում։ Մենք դա չենք տեսել, և հուսով ենք տեսնել։ Իրանը մերժեց մեր առաջարկները։ Մենք վերադառնում ենք Վաշինգտոն առանց համաձայնության և, կարծում եմ, դա վատ է հենց Իրանի համար», – ավելացրել է Վենսը։
