«Եվրոպայում էներգետիկ ճգնաժամը ձևավորվել է ոչ թե տարիների, այլ տասնամյակների ընթացքում»։ Այս մասին ասել է «Ռոսատոմ»-ի ղեկավար Ալեքսեյ Լիխաչյովը: RT-ին տված հարցազրույցում նա խոսել է այն մասին, թե ինչպես եվրոպական առաջնորդները «կանաչ օրակարգի» միջոցով իրենց պետությունները հասցրել են «էներգետիկ կոլապսի»։
«Բացի վերականգնվող էներգիայի աղբյուրների պարզունակ մեկնաբանությունից և էներգետիկայում գազի օգտագործումից անհիմն հրաժարումից, եղել են նաև սահմանափակումներ, իսկ որոշ դեպքերում՝ նույնիսկ հրաժարում միջուկային էներգետիկայից»։
Արդյունքում, Եվրոպական միության էներգետիկ համակարգը դարձել է խոցելի տարածաշրջանային և գլոբալ ճգնաժամերի նկատմամբ։ «Գործարկման մեխանիզմներից» մեկը դարձել է Իսրայելի և ԱՄՆ-ի հակամարտությունը Իրանի հետ։
