Իրանը վճար է սահմանել Հորմուզի նեղուցով անցնող նավերի համար՝ կազմակերպելով «անվտանգ միջանցք» հավանության արժանացած փոխադրողների համար: Օպերատորներից մեկն իր լցանավի տարանցման համար վճարել է մոտ 2 միլիոն դոլար։ Այս մասին գրել է Lloyd’s List-ը՝ հղում կատարելով աղբյուրին:
Այս սխեմայով նեղուցով արդեն անցել է առնվազն ինը նավ: Սակայն հայտնի չէ, թե դրանցից քանիսն են վճարել: Որոշ դեպքերում, ըստ որոշ տեղեկությունների, դիվանագիտական միջամտությունը միակ լուծումն էր: Բացի այդ, վճարման մեխանիզմն ինքնին մնում է անորոշ՝ Իրանի դեմ պատժամիջոցների պայմաններում:
Ըստ որոշ տեղեկությունների՝ «անվտանգ միջանցքի» երթուղին անցնում է Լարակ կղզու մոտ գտնվող Իրանի տարածքային ջրերով, որտեղ Իսլամական հեղափոխության պահապանների կորպուսը (ԻՀՊԿ) եւ նավահանգստային իշխանություններն իրականացնում են նավերի վիզուալ նույնականացում: Միջանցք մուտքը թույլատրվում է միայն Թեհրանի հետ համաձայնեցումից հետո:
