Բլոգեր Արթուր Չախոյանը ֆեյսբուքյան իր էջում գրում է․ «Այսօր աչքովս ընկավ ՀՀ ոստիկանության հրապարակումը, որտեղ մեծ հպարտությամբ հայտնում են, թե «33-ամյա երիտասարդն ապօրինի զբաղվում էր կահույքի արտադրությամբ»։
Սա արդեն ծիծաղելի չէ, այլ բացահայտ նողկանք է այն մասին, թե ինչպես են պետական կառույցները ձևական պայքարում ապօրինության դեմ։
Երբ Բաղյան 2/5 հասցեում Տիգրան Ավինյանի մտերիմների կողմից համայնքապատկան հողատարածքի զավթմամբ կառուցված ապօրինի շուկան անխոչընդոտ գործում է՝ առանց որևէ թույլտվության, և որի մասին տեղյակ են թե՛ ՀՀ ոստիկանությունը, թե՛ Երևանի քաղաքապետարանը, թե՛ Պետական եկամուտների կոմիտեն, որևէ քայլ չի ձեռնարկվում՝ ապօրինությունը կասեցնելու ուղղությամբ, չնայած հո դա էլ 33-ամյա երիտասարդի ապօրինի կահույքի արտադրամաս չէ, որ գնան փակեն ու աշխարհով մեկ ցույց տան, թե ոնց է ՀՀ ոստիկանությունը պայքարում ապօրինության դեմ։
Սա արդարադատություն չէ, սա համակարգային կոռուպցիոն հովանավորչության դասական օրինակ է, երբ օրենքը գործում է բացառապես միայն հասարակ քաղաքացիների համար, այլ ոչ բարձրաստիճան պաշտոնյաների և իրենց ԽԾԲ-ների համար։
Ասենք՝ պատկերացնում ենք, թե ՀՀ ոստիկանությունն ինչ աստիճան անճարությունից դրդված է գնացել 33-ամյա երիտասարդի ապօրինի կահույքի արտադրամասը փակել, որպեսզի հրապարակում անի, ագիտացիա անի, թե ՀՀ ոստիկանությունը ապօրինության դեմ պայքարում է։
Նիկոլ Փաշինյան Եթե սա կոռուպցիայի հովանավորչություն չէ, ապա ի՞նչ է, հո պոզով-պոչով կենդանի չէ։»
