Ի՞նչ աղմուկ է «Արարատ 73» ֆիլմի շուրջ. «Ժողովուրդ»

3 Փետրվարի, 2026

«Ժողովուրդ» օրաթերթը գրում է. «Նախորդ տարեվերջին հայտարարվեց ռուսաստանաբնակ գործարար և բարերարներ Արթուր Ջանիբեկյանի ու Արթուր Սողոմոնյանի օժանդակությամբ լեգենդար «Արարատ 73»-ի մասին պատմող գեղարվեստական ֆիլմի նկարահանման մասին, որն արդեն մեծ հաջողությամբ ցուցադրվում է հետխորհրդային տարածքում։ Ֆիլմի ռեժիսորն է Մհեր Մկրտչյանը, իսկ սցենարի համահեղինակն ու գլխավոր պրոդյուսերը՝ Վալերի Սահարյանը։ Առաջին հայացքից միայն գովեստի ու խրախուսանքի արժանի այս քայլը, չգիտես ինչու, հայաստանյան որոշ շրջանակների մոտ քննադատության հանդիպեց՝ իբրև թե ռուսական փափուկ ուժ է, քանզի ֆիլմում կա հայ-ուկրաինական ֆուտբոլային հակադրության մաս։

Ինչպես մեզ հետ զրույցներում փաստեցին ավագ սերնդի ֆուտբոլասերներ, իրականում «Արարատի» ոսկե շրջանում Հայաստանում մարդիկ խոսել են ուկրաինական թիմերի՝ Կիևի «Դինամոյի» օգտին աշխատելու (օրինակ՝ պետք եկած ժամանակ պարտվել ու միավոր տալ «Դինամոյին») մասին, ու այն ժամանակ դա ընկալվել է որպես ցավալի եղելություն, ու ֆիլմում կարող է արտացոլված լինել, քանզի այն ժամանակ կար նման տեսակետ, համոզմունք, և ոչ միայն ուկրաինական թիմերի մասին։

Ռուսալեզու տարբերակում ֆիլմը կոչվում է «Ոսկե դուբլ», իսկ Հայաստանում պրեմիերան տեղի կունենա փետրվարի 5-ին՝ «Մոսկվա» կինոթատրոնում։

Հ.Գ. Աշխարհի շատ պետություններ իրենք են պատվիրում պատմական հաջողությունների մասին ֆիլմեր, ինչը թե քարոզչական հզոր գործիք է, թե սեփական հասարակությանը ոգևորելու միջոց։ Ցավալի է, որ նման նախաձեռնություններով մեր պետությունը հանդես չի գալիս, դեռ սա քիչ է՝ հանդիպում ենք նաև մերձիշխանական շրջանակների կողմից քննադատության։ Տարիներ առաջ հայտարարվեց, օրինակ, որ նկարահանվում է «Բյուզանդիային արևելք» ֆիլմը, որը պետք է ներկայացներ Վարդանանց պատերազմները, սակայն այդպես էլ ֆիլմն էկրան չբարձրացավ։ Այնպես որ, պետք է գոնե չխանգարել, այլ օգնել հայազգի գործարարներին ու խրախուսել մեր փառահեղ անցյալը հիշեցնող ֆիլմերի նկարահանումներն ու տարածումը»։

Նմանատիպ նյութեր

Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս. «Ժողովուրդ»

Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս. «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ Ազգային ժողովի ընդդիմադիր պատգամավորները դիմել են Քրեակատարողական ծառայության ղեկավարությանը՝ Շաքի բնակավայր ներխուժած ադրբեջանցի զինծառայող Նասիմի Մուսաևին տեսակցելու նպատակով։ Սակայն, մեր...

Բուլդոզերով ժողովրդավարություն․ «Ժողովուրդ»

Բուլդոզերով ժողովրդավարություն․ «Ժողովուրդ»

«Ժողովուրդ» օրաթերթը գրում է. «Նիկոլ Փաշինյանը երեկ գերազանցեց ինքն իրեն։ Խորհրդարանական ընդդիմությանը ներկայացնելով որպես խաղաղության խոչընդոտ՝ վարչապետը երկու ճանապարհ առաջարկեց, որոնք, իր իսկ խոսքով, կարող են մեկը մյուսի շարունակությունը լինել։ «Կա՛մ մենք հանրային...

Մոսկվան արմատական է տրամադրված. «Հրապարակ»

Մոսկվան արմատական է տրամադրված. «Հրապարակ»

«Հրապարակ» օրաթերթը գրում է. Մոսկվայում առավել քան արմատական են տրամադրված Նիկոլ Փաշինյանի նկատմամբ: Նա դեկտեմբերին 3 այց է կատարելու Մոսկվա` մասնակցելու ԵԱՏՄ միջոցառումներին՝ վարչապետական, նախագահական ֆորմատներով, ինչպես նաեւ՝ ՌԴ ղեկավարության հետ երկկողմ քննարկման։...

Պուտինն ու Թրամփը երկկողմ հանդիպում են անցկացրել Շենժենում

Պուտինն ու Թրամփը երկկողմ հանդիպում են անցկացրել Շենժենում

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը երկկողմ հանդիպում են անցկացրել Շենժենում՝ Ասիա-խաղաղօվկիանոսյան տնտեսական համագործակցության (ԱԽՏՀ) գագաթնաժողովի շրջանակում: ԱՄՆ նախագահ Դոնալդ Թրամփը Պուտինի հետ հանդիպմանն ասել է, որ անհամբերությամբ...