Թուրքիայի նախագահը ԱՄՆ նախագահ Դոնալդ Թրամփին առաջարկել է Իրանի հարցով եռակողմ գագաթնաժողով անցկացնել, հայտնում է թուրքական կառավարամետ Hürriyet-ը։
Թերթի տվյալներով՝ Էրդողանն առաջարկն արել է հունվարի 27-ին ԱՄՆ նախագահի հետ հեռախոսազրույցի ընթացքում։ Թուրքիայի առաջնորդը առաջարկել է բարձր մակարդակի հանդիպում՝ ԱՄՆ–ի, Իրանի և Թուրքիայի մասնակցությամբ, հնարավոր է՝ տեսակոնֆերանսի ձևաչափով։ «Հաղորդվում է, որ Թրամփը դրական է արձագանքել Էրդողանի այս առաջարկին»,- գրում է թերթի սյունակագիր Հանդե Ֆըրատը։
Թերթը նաև հաղորդում է, որ Իրանի արտաքին գործերի նախարար Աբբաս Արաղչին այս շաբաթ կայցելի Թուրքիա՝ իր գործընկեր Հաքան Ֆիդանի հետ բանակցություններ վարելու համար, բայց հստակ ժամկետներ չեն նշվում։
