Դեկտեմբերի 28-ին, ժամը 00։12-ին Երևան քաղաքի Նուբարաշենի խճուղուց դեպի Էրեբունու թանգարան տանող ավտոճանապարհին հրդեհ է բռնկվել էլեկտրական ենթակայանում, հաղորդել է ՀՀ ՆԳՆ փրկարար ծառայությունը:
Ծառայության հաղորդմամբ՝ հրդեհը մեկուսացվել է ժամը 00։53-ին, մարվել՝ 01։20-ին։ 200 քմ տարածքում այրվել է ենթակայանի գույքը՝ մասամբ։
Ենթակայանում բռնկված հրդեհի հետևանքով հոսանքազրկվել են «Էրեբունի» վարչական շրջանն ամբողջությամբ, «Սարի Թաղ» թաղամասը, «Խորենացի» փողոցը, «Տիգրան Մեծ» փողոցը, «Չարենց» փողոցից մի հատված:
