Պոլիտեխնիկը ազգային մակարդակում ճանաչվել է 1-ինը, աշխարհի մակարդակում ընգրկվել է լավագույն 1000 համալսարանների ցանկում, զբաղեցնելով 703-րդ, իսկ Եվրոպայի տարածքում 175-րդ տեղը:
Այս մասին գրում է «Հայաստանի ազգային պոլիտեխնիկական համալսարան» հիմնադրամի ռեկտոր Գոռ Վարդանյանը:
«Ուրախությամբ հայտնում եմ, որ «Հայաստանի ազգային պոլիտեխնիկական համալսարան» հիմնադրամը երրորդ տարին մասնակցելով 2025թ-ի UI GreenMetric World University Rankings-ի կողմից իրականացված վարկանիշավորմանը 105 երկրներից 1745 համալսարանների ցանկում նախորդ տարվա նկատմամբ բարելավելով իր տեղը 200-ով զբաղեցրել է 703-րդ հորիզոնականը, իսկ Եվրոպայի տարածքում 175-րդը, այն դեպքում որ նախորդ տարվա նկատմամբ վարկանիշավորվող համալսարանների ցանկը ավելացել է 277-ով:
Պոլիտեխնիկը Հայաստանից վարկանիշային աղյուսակում հայտնված համալսարանների ցանկում 1-ինն է։
Վարկանշավորման առանձին կշիռներով ազգային մակարդակում մենք բացարձակ առաջատար ենք բոլոր 6 դասակարգման կատեգորիաներում՝
- Ենթակառուցվածքներ և պայմաններ
- Ջուր
- Էներգիա և կլիմայի փոփոխություն
- Թափոններ
- Տրանսպորտ
- Կրթություն և հետազոտություն
Այս արդյունքը վկայում է, որ կայուն զարգացումը (Sustainable development) շարունակում է մնալ մեր համալսարանի ռազմավարական առաջնահերթություններից և մեր կողմից իրականացվում են բոլոր անհրաժշետ քայլերը նպաստելու կանաչ և վերականգնվող էներգիայի աղբյուրների օգտագործման ծավալների մեծացմանը, թափոնների վերամշակման, ջրերի ու էներգիայի արդյունավետ կառավարման մեխանիզմների ներդրմանը, ինչպես նաև կլիմայի փոփոխության մարտահրավերների վերաբերյալ հետազոտական ծրագրերի ընդլայմանը»։
