Բագրատ սրբազանի և մյուսների գործով հաջորդ դատական նիստը կկայանա 2026 թվականի հունվարի 8-ին:
Նշենք, որ Իգոր Սարգսյանին ու Կարո Օկոպմուշյանին ոստիկանները չեն հասցրել բերել դատարան, որովհետև գործուղվել են Էջմիածին. 18 բռնադատվածների նիստը կրկին հետաձգվել է:
«Իրենք չեն կարողանում, որովհետև իրենց ծառայությունը ստիպված կապված է լինում այլ դեպքերի և միջադեպերի հետ, մարդկանց հանում են իրենց ծառայությունից վստահաբար, չեն կարողանում իրենց առաջնային պարտականությունը կատարել, վկան՝ այսօր Իգոր Սարգսյանի և Կարո Օկումուշյանի բացակայությունն է։
Չեմ կարծում, որ այսպիսի կարևոր դատական նիստին իրենք կարող են բացակա լինել՝ իրենց կամքով, ուրեմն, խաթարված է համակարգը, որովհետև իրենք կատարում են այլ պարտականություններ՝ իմ գնահատմամբ, հավանաբար, իրենց զորահավաքագրել են՝ գնալու Մայր Աթոռ Սուրբ Էջմիածին՝ այդ խայտառակ միջադեպին մասնակից լինելու, միգուցե՝ կարգ պահպանելու տեսքով, բայց դրանից տուժում է դատական պրոցեսը»,- ասաց Բագրատ Սրբազանը՝ նշելով, որ իրենց շահագրգռվածությունն է, որ դատական գործընթացը շուտ ավարտվի, ամեն օր սպասում է այդ «չապացույցների» հետազոտմանը և այն մարդկանց դեմքերը տեսնելուն, որոնք պնդում էին, թե իրականությունն այլ է։
ԱԺ պատգամավոր Արթուր Սարգսյանն էլ նկատեց՝ այն, որ տիրադավները գնացել են Մայր Աթոռ, Բագրատ Սրբազանն ու 17 արդարները պայքարում էին այդ օրը կանխելու համար, քանի որ Բագրատ Սրբազանը մեծ հեղինակություն էր եկեղեցում և ժողովրդի համար։
«Մենք այսօր կալանքի տակ ենք, որ սատար կանգնի Եկեղեցին»,- նշեց Սարգսյանը։
Սրբազնաը և Սարգսյանը կոչ արեցին՝ կանգնել եկեղեցու կողքին։
