Մոսկվայի մարզի Օդինցովոյի շրջանի Գորկի-2 գյուղում դպրոցականը դանակով հարձակվել է աշակերտների վրա, հաղորդում են MSK1.RU-ն, TASS-ը և ուժային կառույցներին մոտ կանգնած լրատվամիջոցները։
Միջադեպը տեղի է ունեցել Ուսպենսկայա դպրոցում: MSK1.RU-ն, հղում անելով Տեղեկատվության և երիտասարդության քաղաքականության նախարարությանը, հաղորդում է, որ մեկ աշակերտ զոհվել է, երեքը՝ վիրավորվել: «112» Telegram ալիքի տվյալներով՝ վիրավորվել է երկու մարդ:
«Օստորոժնո, Մոսկվա» Telegram ալիքը հաղորդում է, որ 15-ամյա դպրոցականը դանակով հարձակվել է աշակերտի և անվտանգության աշխատակցի վրա։ Զոհը՝ չորրորդ դասարանի 11-ամյա մի տղա է։
Դպրոցի վրա հարձակված դեռահասը սելֆի է արել՝ 4-րդ դասարանի սպանված աշակերտի ֆոնին:
Հարձակվողին արդեն ձերբակալել են։ Ականատեսները պատմել են, որ «ամեն ինչ շատ արագ է տեղի ունեցել»։ Սկզբում հարձակման վայր են ժամանել ոստիկանությունն ու շտապօգնությունը, երեխաներին սկսել են դուրս բերել դպրոցից։ Հետո սկսել են ժամանել երեխաների ծնողները. նրանց, ում չէին կարողանում դուրս բերել դռներով, փորձում էին հանել պատուհանների միջոցով։
