Քրիստոնեական համերաշխություն միջազգային կազմակերպությունը (CSI) հայտարարություն է տարածել՝ խորը մտահոգություն հայտնելով դեկտեմբերի 11-ին Երևանում Արցախի Հանրապետության Մշտական ներկայացուցչության տարածքում իրականացված ոստիկանության խուզարկության կապակցությամբ։

Կազմակերպության հաղորդմամբ՝ իրավապահների գործողությունները հաջորդել են Արցախի Ազգային ժողովի կողմից գումարված նիստին, որի ընթացքում քննարկվել է Արցախի ժողովրդի՝ միջազգային իրավունքի կողմից ճանաչված իրենց հայրենիք վերադառնալու իրավունքը։

Christian Solidarity International-ը կոչ է անում Հայաստանի իշխանություններին հարգել խաղաղ հավաքների իրավունքը և զերծ մնալ իրավապահ մարմինների կիրառությունից՝ որպես քաղաքական ճնշման միջոց Արցախի ժողովրդի ինստիտուտների նկատմամբ։