ԱՄՆ նախագահի հատուկ բանագնաց Սթիվ Ուիթքոֆը Բեռլինում կհանդիպի եվրոպական առաջնորդների և Զելենսկու հետ: Հանդիպումն առանցքային նշանակություն ունի Ուկրաինայում խաղաղության հասնելու Սպիտակ տան ձգտման ֆոնին։ Այս մասին հաղորդում է РБК-Ուկրաինան՝ հղում անելով The Wall Street Journal-ին։
Աղբյուրների համաձայն, Ուիթքոֆին, որը գլխավորել էր Ուկրաինայի և Ռուսաստանի հետ ամերիկյան խաղաղության ծրագրի շուրջ բանակցությունները, ուղարկելու որոշումը վկայում է Կիևի և Վաշինգտոնի միջև տարաձայնությունները մեղմելու ԱՄՆ ջանքերի ակտիվացման մասին։
Կիրակի և երկուշաբթի օրերին նա նաև առանձին հանդիպումներ կունենա Ֆրանսիայի, Մեծ Բրիտանիայի և Գերմանիայի ներկայացուցիչների հետ։
Բեռլինի հանդիպմանը, ինչպես սպասվում է, կմասնակցեն Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Քիր Սթարմերը և Գերմանիայի կանցլեր Ֆրիդրիխ Մերցը, ինչպես նաև Ուկրաինայի հարցերով համապատասխան խորհրդականներ։
