Այսօր՝ դեկտեմբերի 9-ին, ժամը 00:40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մալաթիա-Սեբաստիա վարչական տարածքում գործող «Վեգա» խանութի մոտ հրդեհ է բռնկվել, հաղորդում է Shamshyancom–ը։
Մինչ կժամանեին Երևանի թիվ 1 հրշեջ-փրկարարական ջոկատից, մի քաղաքացի, ով ըստ դեպքի վայրում հավաքվածների, արցախցի է, նկատելով հրդեհը, իր ավտոմեքենայից օգտագործել է կրակմարիչ (Огнетушитель) և կանխել կրակի տարածումը, ինչից հետո պարզվել է, որ ամբողջությամբ այրվել է խանութի սրահի մոտ տեղադրված հսկայական ձմեռ պապը, ու եթե քաղաքացին օպերատիվ չգործեր, հրդեհը կտարածվեր նաև արհեստական տոնածառին:
Ըստ նախնական տեղեկությունների՝ տուժածներ չկան:
