Հայաստանում կա մի շերտ, որոնց թվում է՝ ես մարդ եմ, որը մարդկանց երբեք չի ներում: Այս մասին աջակիցների հետ հանդիպման ընթացքում հայտարարեց ՀՀ երկրորդ նախագահ Ռոբերտ Քոչարյանը։
«Երբ դու սկսում ես վրեժխնդրությամբ ապրել, սա նշանակում է, որ դու առաջ չես նայում։ Վրեժխնդրությունը միշտ կապված է հետ նայելու հետ։ Վրեժխնդրությունը ապագայի հետ չի բռնում։ Ուրեմն դու անընդհատ պետք է հետ նայես։ Եթե հետ ես նայում, դու առաջ չես տեսնում։ Ու հարցը ներել-չներելու մեջ չի, հարցը նա է, որ դու չպետք է քո էներգիան ուղղես միայն դրան: Կոմս Մոնտե-Քիստոն լավ ֆիլմ է, իսկապես նայվում է այդ ֆիլմը, բայց եթե դու ֆիքսված ես դրա վրա, դու պրոբլեմ ունես: Համենայն դեպս դու այդ դեպքում պետք է որևէ հանրային գործով չզբաղվես, ապագայի մասին չմտածես և կենտրոնանաս անցյալում քեզ վատություն արած կամ քեզ դավաճանած մարդկանց հետ հաշիվներ մաքրելու վրա: Սա լավ բան չի, հատկապես երկրի առաջին դեմքի համար:
Մենք տեսնում ենք Նիկոլ Փաշինյանին, որի ամբողջ կյանքի նպատակը վրեժխնդրությունն է:
Ես նման դեպքերում ի՞նչ եմ անում: Ուղղակի իմ ֆայլերից այդ մարդուն ջնջում եմ: Ներել-չներելու հարց չի: Ուղղակի քո ֆայլերից հանում ես, ասում ես եղավ, եղել է այս մարդը ու թող ապրի իր կյանքով, գործ չունեմ այդ մարդու հետ, մենք տարբեր ճանապարհներով ենք գնում»,- ասաց նա։
Մանրամասն՝ տեսանյութում։
