Խորհրդաժողով Եվրոպայում. քննարկվել և դատապարտվել է Հայաստանում ժողովրդավարական գործընթացների հետընթացը

1 Դեկտեմբերի, 2025

ՀՅԴ Հայ դատի Եվրոպայի գրասենյակի նախաձեռնությամբ՝ նոյեմբերի 29-ին և 30-ին Ալմելոյում գումարվել է Հայ դատի Եվրոպայի հանձնախմբերի խորհրդաժողով, որը, սովորաբար, գումարվում է երկու տարին մեկ։ Ավելի քան երկու տասնյակ մասնակիցներ, որոնք ներկայացնում էին Հայ դատի Եվրոպայի ամենաակտիվ և քաղաքականապես ներգրավված հանձնախմբերը, վերագնահատել են նախընթաց ժամանակահատվածի գործունեությունը, վերահաստատել հավաքական պատասխանատվությունը՝ ապահովելու համապատասխան միջազգային աջակցություն՝ Հայաստանի Հանրապետությանը ներկայիս մարտահրավերները հաղթահարելու գործում։ Այս մասին հայտնում են ՀՅԴ Հայ դատի կենտրոնական գրասենյակից:

Խորհրդաժողովի օրակարգը ներառում էր Բաքվում պահվող հայ պատանդների ազատման ուղղությամբ իրականացվող շարունակական ջանքերը, էթնիկ զտման ենթարկված Արցախի հայերի պաշտպանությունը և Հայրենիք հավաքական վերադարձի արցախահայության անօտարելի իրավունքը, Արցախի հայկական մշակութային ժառանգության պաշտպանությունը։ Շեշտվել է համայնքներում Հայ դատի ծավալած ոլորտներում երիտասարդների ներգրավվածությունը  բարձրացնելու անհրաժեշտությունը։

Քննարկվել և դատապարտվել է Հայաստանում ժողովրդավարական գործընթացների հետընթացը, ինչն էապես թուլացնում է ՀՅԴ Հայ դատի Եվրոպայի գրասենյակի ընթացիկ աշխատանքների արդյունավետությունը Հայաստանի նկատմամբ միջազգային աջակցություն ապահովելու տեսանկյունից։

Այս առիթով ՀՅԴ Հայ դատի միջազգային հանձնախմբի նախագահ Հակոբ Տեր-Խաչատուրյանը նշել է․«Եվրոպան շատ կարևոր և յուրահատուկ տեղ ունի  Հայ դատի ցանցում։ Շատ կարևոր է ցանկացած գնով ավելի ամրապնդել Բրյուսելում գտնվող կենտրոնական գրասենյակի և տարբեր երկրներում գտնվող տարածաշրջանային հանձնախմբերի արդեն իսկ ակտիվ աշխատանքը և ապահովել, որ նրանք ստանան մեր համահայկական ցանցի աջակցությունը և հոգածությունը։ Հայաստանի պետականության ուժեղացմանը, Արցախի իրավունքների պաշտպանությանը, Հայոց ցեղասպանության ճանաչմանն ու դրանից բխող պահանջների առաջմղմանը, սփյուռքում ապրող հայերի իրավունքների պաշտպանությանը, ինչպես նաև հայ երիտասարդության միասնությունն ու քաղաքական ներգրավվածության խթանմանը միտված ձեռնարկների իրականացման գործում բոլորս կրում ենք այս խորհրդաժողովում ընդունված որոշումների իրականացման պատասխանատվությունը»։

Հատուկ ուշադրություն է դարձվել օտարալեզու լրատվամիջոցների հետ աշխատանքի բարելավմանը, քննարկվել տարբերակներ՝ լրացնելու տեղեկատվական այն բացը, որ առկա է հայ ժողովրդի, Հայոց եկեղեցու և Լեռնային Ղարաբաղի ժողովրդի առջև ծառացած իրականությունների և մարտահրավերների ու եվրոպական կառույցների միջև։

Խորհրդաժողովի ավարտին ՀՅԴ Հայ դատի Եվրոպայի գրասենյակի նախագահ Գասպար Կարապետյանը, շնորհակալություն հայտնելով մասնակիցներին նրանց անխոնջ աշխատանքի համար, նշել է․ «Հայ ազգն անցնում է իր պատմության ամենավտանգավոր շրջաններից մեկով, երբ հիմնարար կարևոր ինստիտուտները մշտական սպառնալիքի տակ են։ Այնուամենայնիվ, մեր այս հավաքը և այն հավաքական պատասխանատվության զգացումը, որն այն ներկայացնում է, կրկին ընդգծում և վերահաստատում է մեր անսասան հանձնառությունը՝ մարտահրավերներին դիմակայելու և դրանք հաղթահարելու ուղղությամբ։ ՀՅԴ Հայ դատի Եվրոպայի գրասենյակի և առանձին երկրների հանձնախմբերի գործողությունների միջոցով կարևոր քայլեր են ձեռնարկվել արցախահայության վերադարձի իրավունքի առաջմղման և Բաքվում պատանդառված հայ գերիների ազատման գործում»։

Նմանատիպ նյութեր

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

Ադրբեջանն օկուպացրել է Ջերմուկի ջրաբանական արգելավայրի 37 %-ը. «Հետք»

2020 թ. 44-օրյա պատերազմից մինչ օրս Ադրբեջանը փուլ առ փուլ շուրջ 200 քկմ է օկուպացրել ՀՀ սուվերեն տարածքից: Անօրինական ներխուժումները և զավթումները կատարվել են հատկապես 2021-2023 թթ.: Այդ մասին գրում է «Հետք» պարբերականը։ «Այդ ընթացքում Ադրբեջանը շարունակական...

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Ստիպում եք հանրայնացրել ձեզ ուղղված նամակները. Լիլիթ Գալստյանը՝ Սրբուհի Գալյանին

Սիրուն չի, Տիկին Գալյան, նաև՝ ազնիվ չէ. մեր ուշադրության կենտրոնում նաև ՔԿՀ-ներում տառապnղ մեր հարյուրավոր քաղաքացիներն են, գրել է ԱԺ «Հայաստան» խմբակցության պատգամավոր Լիլիթ Գալստյանը։ «Աչքովս ընկավ Սրբուհի Գալյանի Հ1-տաղավարում զրույցը, ուր Արդարադատության նախարարը...

Շղթայական վթար Երևանյան լճի մոտ. կա 1 զոհ, 3 վիրավոր

Շղթայական վթար Երևանյան լճի մոտ. կա 1 զոհ, 3 վիրավոր

Այսօր՝ նոյեմբերի 22-ին, խոշոր ու ողբերգական ավտովթար է տեղի ունեցել Երևանում։ Ժամը 17։00-ի սահմաններում Բագրատունյաց պողոտայում՝ թիվ 2/1 հասեցի դիմաց՝ Երևանյան լճի հարևանությամբ, բախվել են  2 «Mercedes», «Nissan Tiida», «Kia Forte» և «ՎԱԶ 2107» մակնիշի ավտոմեքենաները։...

Վարդենիսի, Մարտունիի, Աշոցքի տարածաշրջաններում ձյուն է տեղում

Վարդենիսի, Մարտունիի, Աշոցքի տարածաշրջաններում ձյուն է տեղում

Նոյեմբերի 22-ին՝ ժամը 17։30-ի դրությամբ, Վարդենիսի, Մարտունիի, Աշոցքի տարածաշրջաններում ձյուն է տեղում, իսկ Սևանի, Գավառի տարածաշրջաններում՝ ձնախառն անձրև։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին...

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...