Մեքսիկայում հազարավոր մարդիկ բողոքի ցույցի են դուրս եկել։ Ավելի քան 100 մարդ վիրավորվել է, որոնց մեծ մասը ոստիկաններ են եղել, հաղորդում է BBC-ն։
«Մեխիկոյում հակակառավարական բողոքի ցույցերի ժամանակ բախումների հետևանքով վիրավորվել է առնվազն 120 մարդ, որոնցից 100-ը՝ ոստիկաններ», — հայտնել է ոստիկանությունը։
Մայրաքաղաքի անվտանգության ծառայության ղեկավար Պաբլո Վասկեսը կիրակի օրը հայտարարել է, որ 40 ոստիկան հոսպիտալացվել է։
Մեխիկոյի քաղաքապետ Կլարա Բրուգադան X սոցիալական ցանցում գրառման մեջ նշել է, որ քաղաքացիների բողոքի իրավունքը չպետք է բռնության ենթարկվի։ Նա խստորեն դատապարտել է ցուցարարների արմատական խմբի կողմից կատարված գործողությունները։
Շաբաթ օրը հազարավոր ցուցարարներ երթով անցել են Մեքսիկայի մայրաքաղաքով՝ բողոքելով բռնի հանցագործությունների և նախագահ Կլաուդիա Շեյնբաումի քաղաքականության դեմ։
Պետության ղեկավարը պնդել է, որ երթերը, որոնք տեղի են ունեցել նաև երկրի այլ քաղաքներում, ֆինանսավորվել են իր կառավարությանը հակառակ աջակողմյան քաղաքական գործիչների կողմից։
Մայրաքաղաքում անցկացված հանրահավաքը կազմակերպվել էր «Z սերնդի» երիտասարդական խմբերի կողմից և աջակցվել է Ուրուապանի քաղաքապետ Կառլոս Մանսոյի վերջերս սպանության դեմ բողոքող քաղաքացիների կողմից, որը կոչ էր անում խստացնել միջոցները թմրավաճառության դեմ։
