«Ինչի՞ միանգամից վերցրեցիք ու սկսեցիք բան փոխել, որ բանակի, զինված ուժերի բյուջեն այսքան միլիարդ դրամով կրճատվում է։ Որովհետև դա արտաքին քաղաքական ուղերձ էր, որովհետև այս իշխանության քաղաքական կրեդոյի ուղերձն էր, մեր բյուջեն բանակի կրճատում ենք ուղղված Բաքվին, Թուրքիային և այլ ոչ բարեկամ երկրներին»,- այս մասին ԱԺ իր ելույթում նշեց «Հայաստան» խմբակցության պատգամավոր Գեղամ Մանուկյանը։
«Սուրեն Պապիկյանն Ազգային ժողովում հրավիրեց, վերջին օրերին Նիկոլ Փաշինյանն է պարբերաբար ասում՝ «եկեք տանենք ցույց տանք, տանենք ցույց տանք, տանենք ցույց տանք»: Առավոտվանից գիշեր հպարտանում եք՝ «այ տեսեք, ամրոցներ ենք սարքում»։ Գեղարքունիքում էդ «ամրոցը» վեցը տարի առաջ կարիք չկա՞ր չէ սարքելու, դրա համար չէր սարքվում, Ջերմուկի ուղղությամբ էդ ամրոցը սարքելու կարիք չկար, Կապանում դրա կարիքը չկար։ Ես ձեզ տասնյակներով ադրբեջանական նույնիսկ ֆիլմեր կարող եմ ցուցադրել, վերջինը մի քանի օր առաջ՝ Ադրբեջանի բանակի ազգային հերոս է խոսում, մտած թունելներով ման է գալիս ու ներկայացնում է, թե ինչ ինժեներական աշխատանքներ են եղել: Շատ հաճախ, ի դեպ, ադրբեջանցիները ամբողջ Արցախի առաջնագծի պաշտպանական համակարգը կոչում են Օհանյանի պաշտպանական գիծ»,- նշեց նա։
Մանրամասն՝ տեսանյութում։
