Նոյեմբերի 3-ին Ադրբեջանի ազգային գիտությունների ակադեմիայի 80-ամյակին նվիրված միջոցառման ժամանակ Ալիևն՝ իր ելույթում, հայտարարել է, ոչ չկա Սևանա լիճ, կա Գյոյչա լիճ:
«Գիտնականներն արդեն բազմաթիվ աշխատանքներ են արել այս թեմայով, բայց անհրաժեշտ է ավելին՝ հետազոտություններ, ցուցահանդեսներ, հրապարակումներ, պատմական քարտեզներ: 20-րդ դարի սկզբին հին ռուսական կայսերական քարտեզները հստակ ցույց են տալիս, որ այսօրվա Հայաստանի տարածքում գրեթե բոլոր տեղանուններն ադրբեջանական ծագում ունեն. չկա Սևանա լիճ, բայց կա Գոյչա լիճը», — ասել է Ալիևը:
Նա հավելել է, որ ադրբեջանցիների վերադարձը ներկայիս Հայաստանի տարածք չպետք է վախեցնի հայ ժողովրդին և պետությանը:
«Ես արդեն ասել եմ. մենք պետք է այնտեղ վերադառնանք ոչ թե տանկերով, այլ մեքենաներով։ Պետական մարմինները, հասարակական կազմակերպությունները և, իհարկե, գիտնականները պետք է աշխատեն այս ուղղությամբ», — ասել է Ադրբեջանի նախագահը։
