Չարքից ամեն ինչ սպասելի է, ուղղակի պետք է այն կանխել ու թույլ չտալ: Այս մասին Մայր Տաճարի մոտ լրագրողների հետ զրույցում ասել է «Հայաստան» խմբակցության պատգամավոր Արթուր Խաչատրյանը՝ անդրադառնալով Փաշինյանի՝ «Վեհարանը ազտագրելու» կոչին։
Նա նշել է, որ Սուրբ Էջմիածին գրոհի մասին փաշինյանի հայտարարությունից հետո ժողովուրդը մի անգամ արդեն հավաքվեց Էջմիածնում՝ ի պաշտպանություն Եկեղեցու, և շեշտեց, որ ժողովուրդն այնտեղ կանգնած է լինելու պատնեշի պես։
«Ժողովուրդը թույլ չի տա, որ մեր ինքնության սյուներից ամենակարևորներից մեկը պղծվի»,-ասել է պատգամավորը։
«Փաշինյանը կգնա նաև ուղիղ Սուրբ Էջմիածնի վրա գրոհի և այն իրականացնելու է վարչական ապարատով և իրավապահ համակարգով, բայց չի հաջողի»,- ավելացրել է Խաչատրյանը։
