ՌԴ-ՀՀ հարաբերություններն ավելի հասուն են դարձել, բայց տանգոյի համար երկու հոգի է պետք, — այս մասին լրատվամիջոցների հետ զրույցում ասել է Հայաստանում ՌԴ դեսպան Սերգեյ Կոպիրկինը:
«Ռուս-հայկական հարաբերությունները ոչ միայն և ոչ այնքան միջպետական հարաբերություններ են, որքան ժողովուրդների միջև հարաբերություններ։ Եվ այս համատեքստում շատ կարևոր է հարաբերություններում մարդասիրական օրակարգը»,- նշել է նա:
Ռուսաստանն աջակցում է ցանկացած քայլի, որը կհանգեցնի Հայաստանի և Ադրբեջանի միջև իրական խաղաղության, կայունացման և բարգավաճման, ասել է նա։
«Միևնույն ժամանակ, օգոստոսի 8-ին Վաշինգտոնում համաձայնեցված տրանսպորտային նախագիծը քննարկվում է բարձր մակարդակի երկխոսության շրջանակում։ Ամեն դեպքում, այդ թեման չի կարող չբարձրացվել։ Ես այստեղ կհիշեցնեմ Հայաստանի ղեկավարության հայտարարությունները, որ այդ հարցը քննարկվում է միայն ԱՄՆ-ի հետ։ Բայց թեման կարևոր է, և այն, իհարկե, չի կարող չարծարծվել մեր երկխոսության շրջանակում», — ասել է դիվանագետը։
