Բելգրադում Սերբիայի խորհրդարանի շենքի առջև տղամարդը կրակ է բացել, հաղորդում են տեղական ԶԼՄ-ները
70-ամյա կասկածյալը կրակել և վիրավորել է 57-ամյա տղամարդու ազդրից, ապա հրկիզել է Սերբիայի նախագահ Ալեքսանդր Վուչիչի կողմնակիցների վրաններից մեկը, որը տեղադրված էր խորհրդարանի առջև: Սերբիայի նախագահ Ալեքսանդր Վուչիչը միջադեպը անվանել է ահաբեկչական հարձակում, գրում են լրատվամիջոցները։
Սերբիայի խորհրդարանի շենքի մոտ կրակոցներ արձակելու համար ձերբակալված տղամարդը փորձել է ահաբեկչություն իրականացնել քաղաքական դրդապատճառներով։ Այս մասին հայտարարել է Սերբիայի նախագահ Ալեքսանդր Վուչիչը՝ ժողովրդին ուղղված հրատապ ուղերձի ժամանակ։ Վուչիչը նշել է, որ տղամարդը բացահայտորեն հայտարարել է, որ իրեն նյարդայնացնում են քաղաքի կենտրոնում իշխանություններին աջակցելու համար տեղադրված վրանները։ Վուչիչի խոսքով՝ հարձակումնն իրականացրել է Բելգրադի բնակիչ Վլադան Անջելկովիչը՝ ծնված 1955 թվականին։
