Տնտեսագետ Մարգարիտ Նիկողոսյանը գրել է. ««Մարդիկ Հայաստանում ավելի լավ են ապրում և ավելի լավ են ապրում գնաճի հաշվառումով և ավելի լավ են ապրում շուրջ 50 տոկոսով»,
«Աղքատութունը ձեր գլխում է»,- ասել է տիեզերական մաշտաբի պայծառատեսը։ Իսկը տեղին է ՝ ԻՅԱ, ԻՐՈՔ՞։
Սա ասողի ապրելը, եթե համեմատենք ներկայիս իրավիճակի հետ, անշուշտ, շատ լավ է սկսել ապրել, բայց նույն հասարակ մարդկանց հաշվին։
Առաջին սպառման ապրանքների գնաճը մի քանի անգամ ավել է, քան ժողովրդի աչքերին թոզ փչած 1000-2000 դրամ թոշակների ավելացումը:
Փորձեմ բացատրել իրավիճակը որպես տնտեսագիտությունից քիչ թե շատ տեղյակ անձ։
Օրինակը բերեմ կաթնամթերքի թանկացման վրա․
Երբ կրճատվում են արոտավայրերը (անհատույց նվիրատվության արդյունքում), ինքնաբերաբար կրճատվում են անասնապահական արտադրանքները՝ կաթը, հետևաբար սպառողական պահանջը համարյա նույնը մնալով գոյանում է դիֆիցիտ, որը հանգեցնում է գնաճի, դրան գումարվում է բնական կաթը փոխարինող ներմուծված ապրաքների «մաքսային արժեքը» իր հավելումներով, որը շատ ժամանակ իրական արժեքից խիստ տարբերվում է, որին գումարվում է արդեն մեկ տարի գործող ապրանքների պարտադիր դրոշմավորումը, այսպես ասած QR կոդերը։
Հիմա մի փոքր մանրամասնեմ, դրոշմավորում եղել է, բայց անվճար տնտեսվարողի համար։ Այս կառավարությունը որոշել է, որ պետությունն այլևս ոչ մի պարտավորություն և պարտականություն չունի տնտեսվարողի և սպառողի բեռը թեթևացնելու հարցում, որովհետև ժողովուրդը սկսել է լավ ապրել և փակել է այս ֆինանսավորումը։ Դրա փոխարեն մասնավոր ընկերության կողմից պատրաստվում և սպառողին են վաճառում էլեկտրոնային դրոշմապիտակները՝ QR, յուրաքանյուր ապրանքնի համար 4,2 դրամով, տպագրության համար առանձին 1,2 -1,8 դրամ յուրաքանյուր պիտակի համար։ Հետևաբար, արհեստականորեն ամեն ապրանքի վրա, անկախ ապրանքի գնից, ավելանում է ևս 6 դրամ:
Այս սխեման գործում է բոլոր ապրանքների վրա, բոլոր հարկատեսակներով աշխատող տնտեսվարողների համար։
Մեծ ծավալով արտադրության համար ինչ որ տեղ այս բեռը հաղթահարելի է, բայց փոքր բիզնեսի համար մրցունակության խնդիր է առաջացնում, շատերի համար անհաղթահարելի։ Հետևաբար մեծ բիզնեսը կուլ կտա փոքրին։ «Լավ» ապրողների թիվը կավելանա։
Կավելանա այնքան ժամանակ, մինչև վերջին քաղաքացին կհեռանա երկրից, «վատ» ապրելու համար»։
