Հակառակ իշխանության բոլոր քարոզներին, թե խաղաղության աղավնին եկել, չոքել է մեր գլխին, բայց երկու կողմից էլ շարունակում են թշնամական կեցվածքները, գրոհները, հարձակումները, խոսքերը, սպառնալիքները։ Այս մասին, այսօր՝ հոկտեմբերի 1–ին, «Կիբերանվտանգության մասին» օրինագծի քննարկման ժամանակ նշեց ԱԺ «Հայաստան» խմբակցության պատգամավոր Գեղամ Մանուկյանը։
«ԱԺ-ում սերվերը ամենապաշտպանված բանն է, չէ՞, բայց մի պատմություն ձեզ պատմեմ, որ դուք իմանաք ձեր գլխի, մեր գլխի գալիքը։ Հանգուցյալ Մհեր Սահակյանի միջադեպը հիշում եք։ Մհեր Սահակյանի հետ կապված միջադեպից երեք ժամ հետո Հայաստանի ամենապաշտպանված սերվերներից մեկից՝ ԱԺ սերվերից հաքերական հարձակում կասեք, թե գողություն, բայց այդ տեսանյութը հայտնվում է մի հատ կայքում։ Դա նշանակում է, որ «պրախադնոյ դվոր» է էդ սերվերը, նշանակում է ցանկացած մեկը կարա մտնի սերվերը։
Կյանքս գնաց, ԱԱԾ, ՊՊԾ, Քաղավիացիայի վարչություն, Ազգային ժողովի աշխատակազմ, մնաց բախտ բացողին դիմեմ, ասեմ՝ լավ, ո՞նց են այդ տեսանյութերը հայտնվում։ Քար լռություն է։
Այդ բոլորը հայտնվում է Media News կայքում, որը վարչապետի աշխատակազմի ղեկավարի տեղակալ Տարոն Չախոյանինն է։
Այստեղ կա մի բան, քաղաքական որոշմամբ, ինչպես կարող է տվյալը հայտնվել X տեղում և քաղաքական որոշմամբ, ինչպես կարող է յոթը կողպեքի տակ այդ տվյալները պաշտպանվել»,– ընդգծեց նա։
Մանրամասն՝ տեսանյութում։
