ՀՀ և Ադրբեջանի ԱԳ նախարարներ Արարատ Միրզոյանը և Ջեյհուն Բայրամովը Նյու Յորքում մասնակցել են ԱՄՆ պետքարտուղար Մարկո Ռուբիոյի կազմակերպած տրանսատլանտյան ընթրիքին: Այդ մասին հայտնում են ադրբեջանական ԶԼՄ-ները՝ հրապարակելով լուսանկար։
ԱՄՆ պետքարտուղար Մարկո Ռուբիոն ընդգծել է ԱՄՆ նախագահի ձեռքբերումները` ուղղորդելու Հայաստանին և Ադրբեջանին դեպի երկարաժամկետ խաղաղության ճանապարհ:
Հիշեցնենք՝ սեպտեմբերի 22-27-ը Հայաստանի Հանրապետության արտաքին գործերի նախարար Արարատ Միրզոյանը կգտնվի Նյու Յորքում՝ մասնակցելու ՄԱԿ Գլխավոր Ասամբլեայի 80-րդ նստաշրջանի բարձր մակարդակի քննարկումներին:
ԱԳՆ-ից ավելի վաղ հայտնել են, որ ծրագրված են մի շարք երկկողմ հանդիպումներ տարբեր երկրների գործընկերների և միջազգային կազմակերպությունների բարձրաստիճան պաշտոնյաների հետ։
