Քաղաքագետ Արա Պողոսյանի ֆեյսբուքյան գրառումը․

«Սրանց թվում է, թե մենք «զանգեզուրյան միջանցք» եզրույթի դեմ ենք պայքարում, ու եթե վաղը Ալիևը նույն բովանդակությամբ բայց TRIPP անվանումը օգտագործի, ուրեմն դրան դեմ չենք լինի։

Տիկնայք և պարոնայք, մանիպուլյացիայով իշխանությունը տակով արածներ, մենք միջանցք եզրույթի փիլիսոփայությանն ենք դեմ, կրկնում եմ` փիլիսոփայությանը, բովանդակությանը, թե չէ անունն ինչ ուզում է լինի։

ՀՀ ինքնիշխանության ներքո գործող ճանապարհին` ի տարբերություն միջանցքի, կարող են ցանկացած պահի ՀՀ որոշմամբ`

փոխվել երթեւեկության կանոնները 

փոխվել երթուղին,

դադարեցնել երթևեկությունը

սահմանվել առանձնակի հսկողության ռեժիմ,

կատարվել մաքսային գործառնություններ,

անխոչընդոտ կատարվել անձնագրային ռեժիմի հաստատում և ստուգումներ,

սահմանվել երթևեկության վճար կամ փոխել վճարի չափը ՀՀ կառավարության որոշմամբ,

փոխվել ճանապարհի կարգավիճակը,

որոշակի տեսակի ապրանքների փոխադրման վրա արգելք սահմանել,

վարչական իրավախախտումների համար կատարել վարչարարություն ՀՀ օրենսդրությանն համապատասխան,

քրեական հանցագործություների համար ՀՀ օրենսդրությամբ նախատեսված անհետաձգելի գործողությունների կատարում առանց խոչընդոտների,

միջազգային կամ ՀՀ օրենսդրությամբ հետախուզում հայտարարված անձանց, տրանսպորտային միջոցների և այլն, նկատմամբ օրենքով սահմանված անհետաձգելի գործունեությունների կատարում…

Գուցե կան նաև այլ կետեր պետության ինքնիշխանությունը և իրավազորությունը հաստատող, բայց առնվազն այս կետերից թեկուզ մեկի բացակայությունը կնշանակի միջանցքային էլեմենտով ճանապարհ։ Եթե սրանցից մի քանիսն են բացակայում ՀՀ իրավազորությունից, ապա վստահաբար մենք խոսում ենք միջանցքի մասին, ինչպես հայտարարում է թշնամի երկրի բռնապետը»։