«Այո՛, մենք այս իշխանության գործունեության հետևանքով պատերազմում պարտություն ենք կրել, հետո այս իշխանության մեղսակցությամբ հայաթափվել է Արցախը։ Բայց դա չի նշանակում, որ պետք է այս էջը փակենք, ուրանանք ամեն ինչ և մոռանանք»,- «Ինչպես վերադառնալ Արցախ» միջազգային խորհրդաժողովից առաջ լրագրողների հետ զրույցում ասել է ԱԺ «Հայաստան» խմբակցության պատգամավոր Իշխան Սաղաթելյանը։
Նրա խոսքով՝ արցախահայերի վերադարձի և ինքնորոշման իրավունքը սրբորեն պետք է պահպանվի, պետք է դառնա ներազգային և միջազգային օրակարգ, միայն այդ ճանապարհով է հնարավոր, որ տարածաշրջանում լինի կայունություն և խաղաղություն։
«Քաղաքական դաշտում նաև որոշ արցախահայ շրջանակներ փորձում են համակերպել այս իրավիճակի հետ՝ վախենալով բարձրաձայնելուց։ Ումի՞ց եք վախենում, ո՞նց կարելի է այս դավաճաններից վախենալ, էլ ի՞նչ կա կորցնելու»,- ընդգծել է Սաղաթելյանը։
Մանրամասն՝ տեսանյութում։
