Սևանա լճի մակարդակն օգոստոսի 29–ի դրությամբ կազմել է 1900 մ 52 սմ, ինչը 1 սմ-ով ցածր է նախորդ տարվա նույն օրվա ցուցանիշից: Այս մասին տեղեկացնում է ՀՀ ՇՆ հիդրոօդերևութաբանության և մոնիթորինգի կենտրոնը։
Նախորդ տարվա համեմատ ավելացել է Հրազդան գետից ոռոգման ջրառը՝ 108 մլն խմ–ից հասնելով 155 մլն խմ-ի: Միաժամանակ, նվազել է Արփա–Սևան թունելով ջրի մուտքերի ծավալը՝ 176 մլն խմ –ից հասնելով 101 մլն խմ-ի։
Նվազել է նաև երկրի խոշորագույն ոռոգման ջրամբարների լցվածությունը։ Մասնավորապես, Ախուրյանում այն նվազել է 232–ից մինչև 177 մլն խմ–ի, Ապարանում՝ 177-ց մինչև 16,3 մլն խմ–ի, Ազատումինը՝ 26,2–ից մինչև 17,9 մլն խմ–ի, Մարմարիկինը՝ 363–ից մինչև 185 մլն խմ–ի։
Մոնիթորինգի կենտրոնում նաև տվյալներ են հրապարակվել ջրի ծաղկման մակարդակի վերաբերյալ։ Այսպիսով, օգոստոսի 27–29–ին հավաքագրված տվյալների համաձայն` Մեծ Սևանում ջրի թափանցիկության մակարդակը կազմել է 4,8 մ, փոքր Սևանում` 5,6 մ: Լճի ջրի մեջ թթվածնի կոնցենտրացիան լճի մակերևութային և միջին շերտերում բարձր է եղել մեկ լիտրի համար 6 միլիգրամի կրիտիկական մակարդակից, իսկ ներքևի շերտերում այդ մակարդակից ցածր է եղել (1,1-ից 5,5 մգ/լ):
