Ինչպե՞ս է հնարավոր ընդամենը 5-6 տարում շտկել վիճակը.«Փաստ»

30 Օգոստոսի, 2025

«Փաստ» օրաթերթը գրում է. «Առաջիկա ընտրությունների շեմին քաղաքական բևեռները սկսում են առավել հստակվել: Մի կողմում, բնականաբար, իշխանական ուժն է լինելու` գումարած սատելիտների առկա ու ձևավորվող «միավորները»: Հատկապես վերջիններս մի քանի ամիս է՝ դիրքավորվում են որպես իբր «ընդդիմադիր», բայց ակնհայտ է, որ իշխանությունների թելն են թելում ու թելելու են:

Մյուս կողմում, բնականաբար, ընդդիմադիր ուժերն են: Այստեղ ամենախոշոր ընդդիմադիր ուժն, ի դեմս երկրորդ նախագահ Ռոբերտ Քոչարյանի, հայտարարել է, որ մասնակցելու է ընտրություններին: Խորհրդարանական ընդդիմության երկրորդ ուժը, ինչպես օրերս նշեց երրորդ նախագահ Սերժ Սարգսյանը, այս մասով դեռևս որոշում չունի: Առաջիկայում, հասկանալի է, կլինեն նոր հայտեր, առավել հստակ կդառնան «ակտորների» քանակն ու մոտեցումները:

Գլխավոր հայտ ներկայացնողներից ու դերակատարներից մեկը հավակնում է դառնալ քաղաքական բանտարկյալ, բարերար և գործարար Սամվել Կարապետյանի նախաձեռնած «Մեր ձևով» շարժումը, որի շնորհանդեսը կայացավ երեկ, և որը, ինչպես հայտարարվեց, առաջիկայում դառնալու է կուսակցություն: Կարելի է չկասկածել, որ Սամվել Կարապետյանի շուրջ համախմբումը դառնալու է ազդեցիկ ուժ, ինչի մասին հուշում են վերջին շրջանում արձանագրված հրապարակային հավաքներն ու դրանց բազմամարդությունը:

Վերադառնանք երեկվա շնորհանդեսին: Շարժման համակարգող խորհրդի ղեկավար Նարեկ Կարապետյանը հայտարարեց, որ այն ներկա փուլում լինելու է կամավորական շարժում: Նրա խոսքով, այն հարմար ձևաչափն է, որը թույլ կտա առանց բաժանելու մեր հասարակությունը, համախմբել մարդկանց լավ, մեծ և բարի գործեր անելու համար:

«Շարժումը ապաքաղաքական կամավոր միավորում է՝ մարդկանց, ովքեր պատրաստ են անձնուրաց ծառայել հանրօգուտ նպատակի: …Նշանակո՞ւմ է, արդյոք, որ մենք կուսակցություն, կոնկրետ, ինչպես Սամվել Կարապետյանն էր ասում, սկզբունքորեն նոր քաղաքական ուժ այլևս չենք ստեղծելու։ Ո՛չ, չի նշանակում։ Սա մեր կատարելիք աշխատանքի միայն առաջին փուլն է»,-ասաց նա՝ հավելելով, որ իրենց գործունեության երկրորդ փուլում պատրաստվում են իրենց մշակած մասնագիտական ծրագրերը, նախագծերը շարժման հիման վրա ստեղծվելիք կուսակցության միջոցով վերածել պետական ծրագրերի։

Ուշագրավ է, որ շնորհանդեսի մասնակիցները տարբեր ոլորտների մասնագետներ էին, որոնք հիմնական գծերով ներկայացնում էին տնտեսության տարբեր ոլորտների հետ կապված իրենց տեսլականները: Սա կարևոր է այն առումով, որ հանրությանը մատուցվում են հստակ ծրագրային մոտեցումներ և պատրաստակամություն՝ առավել խորքային վերլուծություն կատարելու և իրավիճակից դուրս գալու ելքերը ներկայացնելու մեր ժողովրդին:

«Վստահ լինելով, որ գալիք քաղաքական և ընտրական գործընթացներում հայ ժողովուրդը մերժելու և իշխանությունից հեռացնելու է գործող փոքրիկ խմբակին, այս շարժման օգնությամբ մենք ջանում ենք միավորել ազգային ներուժը և ձևավորել այնպիսի Հայաստանի տեսլական, որը հնարավոր կլինի ընդամենը 5-6 տարում իրականություն դարձնել։ Դա լինելու է մեր իրական երազած Հայաստանը, որը կրկին աշխարհի բոլոր հայերի հարազատ տունը կլինի՝ բարեկեցիկ, երջանիկ և պաշտպանված»,-հայտարարեց Նարեկ Կարապետյանը:

Առավել մանրամասն թերթի այսօրվա համարում

Նմանատիպ նյութեր

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Նոյեմբերի 6-ին, ավտովթար է տեղի ունեցել Արմավիրի մարզում։ Ժամը 00։05-ի սահմաններում Գրիբոյեդով գյուղի սկզբնամասում Արմավիրի մարզի բնակիչ 24-ամյա Մելիք Հ․-ն իր վարած «Merceders» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջված հայտնվել...

ՊՆ-ն հաստատեց. զինծառայող է մահացել

ՊՆ-ն հաստատեց. զինծառայող է մահացել

Նոյեմբերի 18-ին հայտնաբերվել է ՊՆ N զորամասի պայմանագրային զինծառայող Ն. Բ.-ի դին՝ հրազենային վնասվածքով: Այս մասին տեղեկանում ենք ՊՆ-ից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է...

Սոթքի զորամասում պայմանագրային զինծառայող է մահացել․ Factor

Սոթքի զորամասում պայմանագրային զինծառայող է մահացել․ Factor

Factor TV-ի տեղեկություններով՝ Սոթքի զորամասում պայմանագրային զինծառայող Ն. Բ.-ն մահացել է: Նախնական տեղեկություններով՝ զինծառայողը կրակել է իր գլխին։ Կայքի տեղեկություններով` զինծառայողը Գավառից էր, հայրը երկրում չէ: Պաշտպանության նախարարությունից հայտնել են, որ քիչ...

Ուզում եք Քինգ Քոնգի նման դոշ ծեծեք, հոխորտաք, իրավապահներ ուղարկեք մեր տները, մեր պատասխանն է՝ ոչ. Աննա Գրիգորյանը՝ Փաշինյանին

Այո՛, Ալիևի սահմանադրությունը Հայաստանում չի անցնելու։ Ուզում եք՝ այսօր Քինգ Քոնգի նման դոշ ծեծեք, հոխորտաք, իրավապահներ ուղարկեք մեր տները։ Մեր պատասխանը ոչ է, Нет, No, NEIN,ո՞ր լեզվով ասենք՝ Ալիևի սահմանադրությունը չի’...