«Հայաստանի և Ադրբեջանի միջև ձեռք բերված մի շարք համաձայնագրեր, ինչպես նաև Ադրբեջանի և Միացյալ Նահանգների միջև կնքված համաձայնագիրը, շատ դրական պատկեր են ստեղծել տարածաշրջանի համար»,-այս մասին TGRT Haber-ին տված հարցազրույցում հայտարարել է Թուրքիայի արտաքին գործերի նախարար Հաքան Ֆիդանը։
Նրա խոսքով, ադրբեջանական կողմը խորհրդակցություններ է անցկացրել թուրքական կողմի հետ՝ Վաշինգտոնում կայացած հանդիպման և պայմանավորվածությունների վերաբերյալ։
Նախարարը, նշելով, որ «Զանգեզուրի միջանցքի» վերաբերյալ Թուրքիայի դիրքորոշումը հիմնված է փոխադարձ վստահության վրա, ընդգծել է այս հարցում Ադրբեջանի հետ սերտ համագործակցությունը։
«Այս պահին «Զանգեզուրի միջանցքի» վերաբերյալ կոնկրետ ոչինչ չկա։ Կողմերը կքննարկեն, թե ինչ տեղի կունենա և ինչպես կզարգանա իրավիճակը։ Մեր դիրքորոշումը հիմնված է վստահության վրա։ Մենք վստահում ենք մեր ադրբեջանցի եղբայրներին»,-ասել է Ֆիդանը։
Նա նաև բարձ է գնահատել Նիկոլ Փաշինյանի դիրքորոշումն այս հարցում։
