Այսօր՝ օգոստոսի 7-ին, հայտնի դարձավ, որ դատարանը, նախագահությամբ դատավոր Ջոն Հայրապետյանի, Երևանի Շենգավիթ վարչական շրջանի նախկին թաղապետ, ՔՊ-ական Ռազմիկ Մկրտչյանի նկատմամբ խափանման միջոց կալանքը վերացրել է և կիրառել տնային կալանք։
Նշենք, որ քպ-ական թաղապետի նկատամբ մեղադրանք էր առաջադրվել ֆիզիկական ուժեղ ցավ և հոգեկան տառապանք պատճառելու հատկանիշներով, այն էլ այնպիսի ծանրացնող հանգամանքներում, որոնց հետևանքով՝ գործով տուժողը փաստացի առևանգված կամ որպես պատանդ վերցվածի կարգավիճակ է ունեցել: Այսինքն ոչ միայն ծանր հանցանքի մեջ է մեղադրվում, այլ սադիստական դրսևորումների մեջ ևս:
Ուշագրավ է, որ 40 օրից ավելի է ինչ կալանավորված են Սամվել Կարապետյանը և Միքայել Սրբազանը, և որևէ կալանքին այլընտրանք դատարանները չկիրառեցին, իսկ ՔՊ-ականի պարագայում մոտեցումն այլ է։
