Թուրքիայի արտգործնախարար Հաքան Ֆիդանը հեռախոսազրույց է ունեցել իր իրանցի գործընկեր Աբբաս Արաղչիի հետ։ Ըստ Թուրքիայի արտգործնախարարության՝ կողմերը քննարկել են Գազայի հատվածում, Սիրիայում ստեղծված իրավիճակը և Թեհրանի կողմից ԵՄ 3 երկրների հետ առաջիկա բանակցությունները։
«Քննարկվել են Գազայի հումանիտար իրավիճակը, Սիրիայում տեղի ունեցող իրադարձությունները և Իրանի միջուկային ծրագրի շուրջ բանակցությունները, որոնք տեղի կունենան ուրբաթ օրը Ստամբուլում»,- ասվում է հաղորդագրության մեջ։
Նախկինում հաղորդվել էր, որ Իրանի և ԵՄ 3 երկրների միջև Իրանի միջուկային ծրագրի շուրջ ճգնաժամի լուծման վերաբերյալ բանակցությունների նոր փուլը տեղի կունենա հուլիսի 25-ին՝ Ստամբուլում։ Բանակցությունները կանցկացվեն փոխարտգործնախարարների մակարդակով։
