«Թեման նվիրված է այսօր Հայաստանի առջև ծառացած թերևս ամենակարևոր արտաքին սպառնալիքին, որը ստացել է «Զանգեզուրի միջանցք» անվանումը։ Գիրքը նվիրված է այդ հարցի պատմությանը և ի ցույց է դրվում, որ դա ծագել է ոչ թե 2020 թվականից հետո, այլ դա թուրք-ադրբեջանական խորքային ծրագիր է, որն ունի առնվազն 100 տարվա պատմություն և տարբեր շրջաններում դրվել է Հայաստանի առջև որպես պետականության սպառնալիք և տարբեր կերպ այն շրջանցվել է։ Այսօր հերթական անգամ Հայաստանը բախվել է այդ պանթյուրքական ծրագրին, և մեր պարտքն ենք համարել ներկայացնել հանրությանը, հասարակության լայն շերտերին, թե ինչ է իրենից ներկայացնում այդքան չարչրկված «Զանգեզուրի միջանցք» կոչված երևույթը, ինչ շերտեր ունի ու ինչ տեղ է զբաղեցնում թուրք-ադրբեջանական քաղաքական, գաղափարախսական դաշտում։ Կարծում եմ, որ սա նաև գիտնականի պատասխանատվության կոնտեքստում կարող ենք ընկալել, գիտնականի պատասխանտվություն իր հանրության առջև»,- երեկ՝ հուլիսի 18-ին, «Թուրանի ճանապարհի հայկական սեպը» գրքի շնորհանդեսի ժամանակ ասաց գրքի համահեղինակ, թուրքագետ Ռուբեն Մելքոնյանը։
«Արտապատվիրակել եզրույթը ի ցույց է դնում, որ հայկական դիվանագիտությունը հերթական անգամ չի կարողացել դիմագրավել թուրքական ու ադրբեջանական պահանջներին ու փորձում է այդ պահանջերը ներկայացնել բառախաղի, տերմինների փոփոխության միջոցով»,- ասաց նա։
Ճեպազրույցը՝ տեսանյութում։
