Անգրագետ օրենքի նախագիծ է, անգամ պատրաստ եմ հիմնավորել՝ որ ձևաչափով ցանկանան: Այս մասին ասուլիում ասաց ՀԷՑ ընկերության գլխավոր տնօրենի ժամանակավոր պաշտոնակատար Դավիթ Ղազինյանը՝ խոսելով ՀԷՑ-ի պետականացման մասին ԱԺ օրենքի նախագծի մասին։
Ըստ նրա, նորմալ չէ, երբ այսպիսի գործընթաց են նախաձեռնում և այն ընկերության հետ, որը ուզում են խլել, պետականացնել, որևէ ձևով քննարկում չեն նախաձեռնում։
«Եկեք, քննարկենք, հասկանանք, մենք էլ ունենք թերություններ, խնդիրներ։ Անսխալական կազմակերպություն չկա։
Ինչու իշխանությունները չեն ցանկանում դա քննարկել։ Իմ անձնական կարծիքն այն է, որ նախ վախենում են այդ քննարկումների արդյունքում իրենք սխալ դուրս կգան, այսինքն պետականացնելու մասին մտածելն անգամ… խելագարության կանխավարկածի խնդիր կա»,– ասաց Ղազինյանը։
Հարցին՝ ի՞նչ են պատրաստվում անել օրենքի շրջանակներում, Ղազինյանն ասաց. «Չնայած որ մեր դեմ պայքար է տարվում ոչ օրինաչափ, մարտ առանց կանոնների ձևաչափով, մենք պատրաստվում ենք, հաշվի առնելով, որ մեր ընկերության սեփականատերը պետականամետ մարդ է, բոլոր իրավական ճանապարհներով պայքարել այս գործընթացի դեմ։
Ունենք ուժեղ իրավաբանական թիմ։ Մենք ճիշտ ենք, իսկ ճիշտ լինելը մարդուն մի քանի անգամ ուժեղացնում է։
Մեր միջազգային գործընկերներից շատ վատ արձագանքներ ենք ստանում։ Շատ զարմացած են»,- ասաց Ղազինյանը։
Մանրամասն՝ տեսանյութում։
