«Սրբազան պայքար» շարժման առաջնորդ Բագրատ արքեպիսկոպոս Գալստանյանը երկու ամսով կալանավորեց։
Դատավոր Մասիս Մելքոնյանը բավարարեց Բագրատ Սրբազանի կալանքի միջնորդությունը։
Փաստաբան Հովհաննես Խուդոյանը հայտնեց, որ կալանավորել են Բագրատ Սրբազանին երկու ամսով, կիրառվել է նաև շփման սահմանափակումներ։
Նա նշեց, որ որոշումը բողոքարկելու են. «Բազմաթիվ հանգամանքներ կան, որոնք այս որոշումն ապօրինի են դարձնում։ Միայն մեկն ասեմ՝ գործի հանգամանքներին չանդրադառնամ. այն, որ այս դատարանն ակնհայտ ապօրինի դատական կազմով էր քննում և Մասիս Մելքոնյանը բացարկի ենթակա դատավոր էր»։
Նա նշեց, որ առավոտյան պարզ կլինի, թե որ ՔԿՀ են տեղափոխել Սրբազանին։
Հիշեցնենք, որ Բագրատ սրբազանը ձերբակալվել է հունիսի 25-ին, ըստ ՔԿ-ի, «ՀՀ-ում աhաբեկչшկան և իշխանությnւնը զավթելnւն ուղղված գործողություններ իրականացնելու» գործի շրջանակում։
Սրբազանին մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
