ԵՄ-ի առաջնահերթություններից է Հայաստանի կայունության ամրապնդումը. Մարագոս

24 Հունիսի, 2025

Եվրոպական միությունը և Հայաստանը մոտենում են գործընկերության նոր օրակարգի շուրջ բանակցությունների ավարտին։

«Արմենպրես»-ի հաղորդմամբ՝ ԵՄ-Հայաստան քաղաքացիական հասարակության պլատֆորմի շրջանակներում կայացած քննարկման ժամանակ այս մասին ասել է Հայաստանում ԵՄ դեսպան Վասիլիս Մարագոսը։

Նրա խոսքով՝ օրակարգում առանցքային հարցերից է Համապարփակ և ընդլայնված գործընկերության մասին համաձայնագրի ամբողջական իրականացումն ու դրա ներուժի լիարժեք օգտագործումը։

Մարագոսը հիշեցրել է, որ տարիներ առաջ ՀՀ վարչապետ Նիկոլ Փաշինյանն այդ համաձայնագիրը բնութագրել էր որպես բարեփոխումների հստակ ծրագիր, որը ակտիվորեն կյանքի է կոչվում կառավարության կողմից։

ԵՄ դեսպանը նշել է, որ բազմաթիվ ենթահանձնաժողովներ արդեն գործում են, իսկ հուլիսին Բրյուսելում տեղի կունենա գործընկերության գլխավոր կոմիտեի նիստ։

«Սա վկայում է մեր ունեցած փոխազդեցության խորության ու հաճախականության մասին»,- ընդգծել է նա։

Մարագոսի խոսքով՝ բարեփոխումներն իրապես բարդ են և պահանջում են տեխնիկական աջակցություն և փորձագիտական փոխանակում՝ ԵՄ անդամ երկրների և այլ գործընկերների մասնակցությամբ։ Նա ընդգծել է, որ առկա է հստակ հանձնառություն՝ ինչպես կառավարության, այնպես էլ քաղաքացիական հասարակության կողմից։

Դեսպանը տեղեկացրել է, որ ներկայում աշխատանքներ են տարվում գործընկերության նոր օրակարգի մշակման ուղղությամբ։ «Բանակցությունները գրեթե ավարտված են, և դրա նպատակն է Համապարփակ և ընդլայնված գործընկերության մասին համաձայնագրի ներուժի լիարժեք իրագործումը։ Սա համատեղ պարտավորություն է»,- նշել է նա։

Ըստ Մարագոսի՝ ԵՄ-ի առաջնահերթություններից է Հայաստանի կայունության ամրապնդումը։ Այդ նպատակով անցած տարի ներկայացվել է կայունության և աճի բարելավման ծրագիր, որը ներառում է բազմաթիվ կոնկրետ քայլեր՝ տնտեսության դիվերսիֆիկացումից մինչև եվրոպական չափանիշների ներդրում մտավոր սեփականության և սպառողների իրավունքների պաշտպանության ոլորտներում։

«Պետք է կարողանանք կազմակերպել մեր երկխոսությունն ու ռեսուրսները՝ հիմնվելով այն հսկայական հանձնառության վրա, որը տեսնում ենք երկու կողմերից»,- ամփոփել է ԵՄ դեսպանը։

Նմանատիպ նյութեր

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիայի  արտաքին գործերի նախարար Հաքան Ֆիդանը հայտնել է, որ Թուրքիան առանցքային դիրք է զբաղեցնում Եվրոպան, Սևծովյան տարածաշրջանը, Հարավային Կովկասն ու Կենտրոնական Ասիան կապող հաղորդակցային ուղիներում։ Նոյեմբերի 16-ին Բրյուսելում կայացած «Միջտարածաշրջանային...

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Ֆրանսիայի նախագահ Էմանուել Մակրոնը հայտարարել է, որ աշխարհում տիրող քաոսի պայմաններում կա երկու գերտերություններից մեկի վասալը դառնալու գայթակղություն։ Նրա խոսքով՝ Եվրոպայի նպատակը պետք է լինի բազմաբևեռ աշխարհակարգի և ռազմավարական ինքնավարության պաշտպանությունը։ Նման...

Վիճաբանություն-ծեծկռտուք՝ Պտղնիում. վիրավոր կա

Վիճաբանություն-ծեծկռտուք՝ Պտղնիում. վիրավոր կա

Նոյեմբերի 16-ին վիճաբանություն-ծեծկռտուք է տեղի ունեցել Կոտայքի մարզում։ Ժամը 01:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում տեղեկություններ են ստացվել, որ Վերին Պտղնի գյուղում գտնվող...

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում նախապես ստացվել էին տեղեկություններ այն մասին, որ «Նուբարաշեն» քրեակատարողական հիմնարկի խցերից մեկում առկա են թմրամիջոցներ և արգելված իրեր։ Այս մասին հայտնում են ՔԿԾ-ից։...

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Նոյեմբերի 17-ին՝ ժամը 00:01-ին, Արմավիրի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Արմավիր քաղաքի Ջիվանու փողոցում գտնվող կենցաղային տեխնիկայի վերանորոգման սրահում։ Դեպքի վայր է մեկնել ՆԳՆ ՓԾ մարզային փրկարարական վարչության...