ՀՀ ԱԳՆ-ն հայտարարություն է տարածել, որում ցավակցություն է հայտնել Վաշինգտոնում Իսրայելի դեսպանատան աշխատակիցների մահվան կապակցությամբ։
«Մենք խոր ցավով տեղեկացանք Վաշինգտոնում Իսրայելի դեսպանատան աշխատակիցների վրա կատարված հարձակման մասին, որի հետևանքով երկու մարդ է զոհվել։ Միանալով տարբեր երկրների ներկայացուցիչների ցավակցություններին՝ մենք հանդես ենք գալիս ընդդեմ ատելության և բռնության բոլոր դրսևորումների»,-ասված է Հայաստանի արտաքին գործերի նախարարության հայտարարության մեջ։
Հիշեցնենք, որ այսօր Վաշինգտոնում գտնվող Հրեական թանգարանի մոտ կրակոցից սպանվել են Իսրայելի դեսպանատան երկու աշխատակիցներ։
ԱՄՆ նախագահ Դոնալդ Թրամփը ցավակցություն է հայտնել զոհերի ընտանիքներին՝ հայտարարելով, որ կրակոցները «ակնհայտորեն հակասեմական դրդապատճառներ ունեին»։
Իսրայելի վարչապետ Բենիամին Նեթանյահուն հայտարարել է, որ հրամայել է ուժեղացնել անվտանգության միջոցառումները ամբողջ աշխարհի իսրայելական դիվանագիտական ներկայացուցչուններում։
