Այսօր՝ մայիսի 16-ին, Երևանում տեղի ունեցավ Չինաստանում կրթության և աշխատանքի 3-րդ ցուցահանդեսը, որի գլխավոր կազմակերպիչը Չինարենի միջազգային թեստավորման կենտրոնն է, համակազմակերպիչը՝ Վալերի Բրյուսովի անվան պետական համալսարանի Կոնֆուցիուսի ինստիտուտը։
«Ցուցահանդեսը տեղի է ունենում 3-րդ տարին անընդմեջ։ Դա խոսում է այն մասին, որ չինական համալսարաններն ունեն հայ ուսանողներին ընդունելու հետաքրքրություն, ինչպես նաև հայ ուսանողների շրջանում է շատ արագ տեմպերով աճում հետաքրքրությունը։ Ցուցահանդեսը երկկողմանի հետաքրքրության շատ լավ ցուցիչ է։ Մեզ մնում է շարունակել բարեկամությունը»,- Yerevan.Today-ի հետ զրույցում նշեց Բրյուսովի անվան պետական համալսարանի Կոնֆուցիուսի ինստիտուտի տնօրեն Գոռ Սարգսյանը։
Ցուցահանդեսին բացման խոսքով հանդես եկավ նաև Հայաստանում Չինաստանի նորանշանակ արտակարգ և լիազոր դեսպան Լի Սինվեյնը։
«Քաղաքակրթության նախաձեռնության շրջանակներում մենք ձգտում ենք մշակութային ինտեգրման և ժողովուրդների միջև փոխըմբռնման նոր նվաճումների։ Մեծ թվով հայ երիտասարդներ ընտրում են չինարենի ուսուցումը և ձգտում են էլ ավելի խորը ծանոթանալ Չինաստանին։ Սա ոչ միայն անձնական երազանքների իրականացման ձգտում է, այլև քաղաքակրթությունների փոխանակման և փոխուսուցման գաղափարի գործնական դրսևորում»,- նշեց դեսպանը։
Ցուցահանդեսում ներակայացվեցին Չինաստանի թվով 40 համալասարաններ, որնցից 3-ը ներառված են աշխարհի թոփ 50 համալասարանների ցանկում։
Մանրամասն՝ տեսանյութում։
