Ազգային ժողովի վերջին նիստերին ավելի շատ քննարկվում են ռազբորկաներ, քֆուրներ, այլանդակ պահվածքներ, ամեն ինչ, բացի նրանից, ինչն այս պահին սպառնում է Հայաստանին, կախված է Հայաստանի գլխին։ Այս մասին այսօր՝ մայիսի 16-ին, խորհրդարանական ճեպազրույցների ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։
«Մի քանի ամիս առաջ Հայաստանի և Ադրբեջանի կողմից համատեղ հայտարարություն տարածվեց, որտեղ նշվեցին այն ուղղությունները և հիմքերը, որոնց հիման վրա հյուսիսից՝ Հայաստան, Ադրբեջան, Վրաստան սահմանից պետք է սկսվեր սահմանազատման գործընթացը։ Հաշվի առնելով, որ դրա մի կտորն իրականացվել էր Կիրանցի, Բաղանիսի, Ոսկեպարի հատվածում՝ հարցեր են առաջանում՝ ի՞նչ խնդիր է առաջացել և ի՞նչ է թաքցնում իշխանությունը, որ սահմանազատման հետ կապված համատեղ հայտարարությունից որևէ պրոցես գոյություն չունի»,- ասաց նա։
Մանրամասն՝ տեսանյութում։
