«Ժողովուրդ» թերթը գրում է.
«2025 թվականի առաջին եռամսյակում` հունվար-մարտ ամիսներին, Հայաստան այցելած զբոսաշրջիկների թիվը պակասել է։ 2025 թվականի հունվար-մարտ ամիսներին Հայաստան է այցելել 386,741 զբոսաշրջիկ։
2025 թվականի հունվարին Հայաստան այցելել է 139,482 զբոսաշրջիկ, ինչը մոտ 9.6%-ով պակաս է 2024 թվականի հունվարի ցուցանիշից, երբ այցելել էր 154,319 զբոսաշրջիկ։
2025 թվականի հունվարին Հայաստան առավել շատ այցելել են զբոսաշրջիկներ Ռուսաստանից՝ 39.5%, Վրաստանից՝ 13% և Իրանից՝ 9.4%։
Ընդհանուր առմամբ, 2025 թվականին Հայաստանի զբոսաշրջության ոլորտը նպատակ ունի հասնելու 20% աճի՝ համեմատած նախորդ տարվա հետ, ինչի կատարողականից կարծես շատ հեռու է Հայաստանը։
Երբ 2025 թվականի ապրիլ ամսվա տվյալները հասանելի լինեն, կկարողանանք ավելի մանրամասն վերլուծել զբոսաշրջության դինամիկան։
Իսկ ապրիլի տվյալները կհրապարակվեն մայիս ամսվա ընթացքում»։
Մանրամասները թերթի այսօրվա համարում
