ԱԺ «Հայաստան» խմբակցության պատգամավոր Լևոն Քոչարյանի օգնական Արթուր Սուքոյանը ֆեյսբուքյան էջում գրում է․
«Այսօրվա կառավարության նիստում Նիկոլ Փաշինյանը նշեց, որ վերջին 7 տարիների ընթացքում կառավարությանը մշտապես մեղադրում են կադրային սխալ քաղաքականություն վարելու մեջ: Փաշինյանն ընդունեց այդ քննադատությունը, սակայն ընդգծեց, որ դրա պատճառը, երկրում առկա կադրային ճգնաժամն է: Նրա խոսքերով, մարդիկ չեն ցանկանում աշխատել 400-500 հազար դրամի դիմաց, և ստանալ ժողովրդի անեծքը:
- Նախ, հետաքրքիրն այն է, որ Նիկոլ Փաշինյանը բացահայտորեն հրապարակային ընդունեց, որ իր կառավարությունում աշխատելը անեծքներ ստանալու է արժանի:
- Կարող է երկրում իսկապես կադրային խնդիր լինել, սակայն դա չի նշանակում, որ պետք էր պատասխանատու պաշտոններ վստահել անձանց, որոնց կենսագրությունը սկսվում էր միայն «քայլելով» իսկ փորաձառու էին համարվում նրանք ովքեր բացի «քայլելուց» նաև մասնակցել էին «Էլեկտրիկ Երևանին»:
Վստահ եմ, որ կադրային ճգնաժամը չէր կարող այնքան խորը լինել, որ բարձր պաշտոններում նշանակվեին այնպիսի մարդիկ, որոնց անցյալը սահմանափակվում էր չոբանի, գազ լցնողի, անտաղանդ երկրորդական դերակատարի, դիջեյի կամ բարմենի աշխատանքներով (ամենայն հարգանքով այս մասնագիտություններին):
Այս խնդրի պատասխանը Նիկոլը տվել էր արդեն.
Արժանապատիվ հայը ոչ 400 հազարի, ոչ էլ ավելի բարձր վարձատրության դիմաց պատրաստ չէ ծառայելու դավաճաններին»։
