ԱՄՆ պետքարտուղար Մարկո Ռուբիոն նախօրեին հանդիպել է Թուրքիայի արտգործնախարար Հաքան Ֆիդանի հետ՝ քննարկելու անվտանգության և առևտրի առանցքային հարցերի շուրջ համագործակցությունը։ Այս մասին տեղեկանում ենք ԱՄՆ պետքարտուղարության կայքից։
Ըստ հաղորդագրության, պետքարտուղարը խնդրել է Թուրքիային՝ աջակցելու Ուկրաինայում և Հարավային Կովկասում խաղաղության հաստատմանը։
Նա վերահաստատել է սերտ համագործակցության անհրաժեշտությունը՝ աջակցելու կայուն, միասնական, խաղաղ Սիրիային: Պետքարտուղարը մտահոգություն է հայտնել Թուրքիայում վերջին ձերբակալությունների և բողոքի ցույցերի առնչությամբ։
Հիշեցնենք, որ նախօրեին տեղի է ունեցել Նիկոլ Փաշինյանի հեռախոսազրույցն ԱՄՆ պետքարտուղար Մարկո Ռուբիոյի հետ։ ՀՀ կառավարության հաղորդմամբ, Փաշինյանը տեղեկացրել է, որ Ադրբեջանի հետ համաձայնագրի նախագիծը սպասում է ստորագրման։ Քննարկել են Հայաստան-ԱՄՆ ռազմավարական գործընկերությանը, տարածաշրջանային օրակարգին վերաբերող հարցեր։
