Արի՛ օնլայն. Ամերիաբանկը մեկնարկել է արշավ նոր հաճախորդների համար

Ամերիաբանկը մեկնարկել է «Դարձիˊր հաճախորդ օնլայն» արշավը բոլոր այն անձանց համար, որոնք առաջին անգամ կդառնան Ամերիաբանկի հաճախորդ` բացելով օնլայն հաշիվ: Արշավի նպատակն է խրախուսել մարդկանց բանկային ծառայություններից օգտվել օնլայն եղանակով`  խնայելով ժամանակ  և ֆինանսական միջոցներ:

Մինչև հուլիսի 21-ը ներառյալ, արշավի շրջանակում բացելով օնլայն հաշիվ Հայաստանի ցանկացած կետից, հնարավոր է րոպեների ընթացքում դառնալ Ամերիաբանկի հաճախորդ և որպես «բարի գալուստ» ստանալ 1,500,000 դրամ արժողությամբ տուրիստական փաթեթի, կահույքի և տեխնիկայի 10 նվեր քարտերի գովազդային վիճակահանությանը մասնակցելու հնարավորություն:

Ամերիաբանկն իր հաճախորդներին առաջարկում է լիարժեք թվային փորձառնություն․ նրանք կարող են առանց բանկ գալու  բացել բանկային հաշիվ, ստանալ միջազգային վճարային քարտ և հասանելիություն MyAmeria հավելվածին` միանգամայն անվճար։

«Այս արշավը մարդկանց մոտ օնլայն վարքագիծ ձևավորելուն ուղղվող հերթական քայլն է: Նման արշավների արդյունքում է նաև, որ տարեցտարի հաճախորդները գնալով ավելի են նախընտրում հաշվի բացման օնլայն տարբերակը: Վերջին 4 տարիների ընթացքում օնլայն բացված հաշիվների թիվն աճել է ավելի քան 7 անգամ: Հավելեմ, որ օնլայն գործընթացի ընդհանուր տևողությունը չի գերազանցում 10 րոպեն»,- ասում է Ամերիաբանկի Թվային բանկինգի ծառայության պրոդուկտի ղեկավար Անի Աբրահամյանը։

Արշավի շրջանակում անցկացվող խաղարկությանը մասնակցելու համար անհրաժեշտ է`

• Բացել հաշիվ օնլայն` դառնալով Ամերիաբանկի հաճախորդ
• Ակտիվացնել Ամերիաբանկի քարտը
• Մուտք գործել MyAmeria հավելված

Վիճակախաղին կարող են մասնակցել նաև Ամերիաբանկի գործող ապառիկ ֆինանսավորում ունեցող ոչ հաշվետեր հաճախորդները, որոնք հաշվի բացումը, քարտի պատվիրումն ու MyAmeria հավելվածի ակտիվացումը բացի օնլայն տարբերակից կարող են կատարել նաև Ամերիաբանկի ցանկացած մասնաճյուղում:

Մանրամասները և մասնակցության պայմանները` հղումով: