Զելենսկին որոշել է թռչել Մյունխեն

Ուկրաինայի նախագահ Զելենսկին փետրվարի 19-ին կմեկնի Մյունխեն՝ մասնակցելու անվտանգության թեմայով համաժողովին։ Ինչպես գրում են ուկրաինական լրատվամիջոցները՝ վկայակոչելով Ուկրաինայի նախագահի գրասենյակը, նա մտադիր է հանդիպել Գերմանիայի և Մեծ Բրիտանիայի ղեկավարներին, որից հետո՝ նույն օրը, վերադառնալ Ուկրաինա։

Աղբյուրի փոխանցմամբ՝ նախատեսվում է Զելեսկու հանդիպումները Մեծ Բրիտանիայի վարչապետ Բորիս Ջոնսոնի, Գերմանիայի կանցլեր Օլաֆ Շոլցի, ԱՄՆ փոխնախագահ Քամալ Խարիսի, ինչպես նաև միջազգային ֆինանսական ինստիտուտների  հետ։ Ըստ Զելենսկու գրասենյակի տարածած հաղորդագրության՝ նախագահը հստակ պայմանավորվածությունների է սպասում՝ կապված Ուկրաինային տրամադրվելիք ֆինանսական և ռազմական օժանդակության հետ։

«Գործընկերների հետ մշտապես արվում է հետախուզական տվյալների վերլուծություն և ինֆորմացիայի փոխանակում։ Ուկրաինան պարբերաբար հավելյալ հետախուզական տվյալներ է ստանում ռուսական ուժեր ակտիվության վերաբերյալ։ Երկրի արևելքում իրավիճակը լրիվությամբ վերահսկվում է Ուկրաինայի անվտանգության և պաշտպանության ուժերի կողմից»,-ասված է հաղորդագրության մեջ։